-
==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
طبعا الي خلاني اكتب هالموضوع بأني وبكل امنه ماعندي اصدقاء سعوديين وسعودين يبعدون عني حتى وانا ماعرفهم ولا قد كلمتهم !!
واحياناً اعرفهم اسبوع اسبوعين ويسحبون علي وكل يوم يطلعون يتغدون مع بعض ويطلعون يلعبون كوره ويجتمعون مع بعض وانا ماحد معبرني !!
مدري ليشششششششششششششش ماسويت لهم شيء !! واذا كلموني كلموني من غير نفس ولا يحترموني ولا يقدروني !! اجي اسلم عليهم يسلمون ويمشوون من غير نفس ولا يسولفون وساحبين علي ومايعبروني !!
اقول خلك احسن منهم اجي المره ثانيه وسلم عليهم وابتسم في وجيهم لعلهم يغيرون افكارهم !! لكن لاحياه لمن تنادي ماتغير شيء بالعكس يزيد تسلطهم عليك وتكشيرته وجيهم !!
علموني وش الحل خلوني استفيد منكم ليش يسون فيني كذا !!! لاتقلون احسن لك ابعد عن سعوديين وخيره لك !! اوكي بسس احياناً اطفش مابيهم 24 ساعه ابيهم بسس وقت الطفش اضحك وسولف !!
مع العلم مو بس واحد ولا ثنين ولا ثلاثه سعودين بششكل عام ونادراً ماتحصل شخص طيب واذا حصلت شخص طيب تحصله متزوج :(
وسعوديات شيء ثاني احياناً ابتسم فقط وانا امشي في وجهها ترد علي بتكشيره !! وتبتسم للأمريكي الي قدامها !!
ابي اراءكم ياهل الخبره وش اسوي اسحب عليهم اكشر في وجيهم !!
ابي اكسب اصدقاء ابي اطلع وستانس !!
احياناً اجلس في بيتي 3 ايام في الإجازات ماحد دق علي ولا حد سأل عني !!
مع العلم بأني طييييب وحبوب وقلبي حنون مآآآدري والله محتار ليششش كذا !!
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
ماعلى المقفي حسوفه لاتشغل نفسك فيهم انتهنا لهدف حطه قدامك وبتنسى
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
ادري انو صعب عليك تعيش لوحدك ....
بس عندك ميه طريقه عشان تتعرف مو لازم سعوديين في عرب كثير في امريكا اتعرف عليهم و لو تبغى نصيحتي اتعرف على امريكان و اجانب صحبتهم حلوه وناس بسيطين وغير كدا عشان تقوي لغتك افضلك ..
والشي الثاني البنت السعوديه لو ابتسمت او اتكلمت مع سعودي كل السعوديين بيفهموها غلط >> هذا اللس اسمعو من البنات الحمدلله انا متنقبه وحالي حال نفسي ..
مع اني اشوف ماتفرق كلهم رجال سعودي او اجنبي نفس الشي بس مدري عن العقليات والله الهادي ..
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
والله ياخوي شي غريب!!!!
يعني لو واحد او اثنين او ثلاثة قلنا معقول
اما كلهم ما هم معبرينك هذا شيء غريب.
البنات ما نقول شيء فيهن طبيعي السعوديه حياءها واخلاقها لا تسمح لك بالابتسامه ولكن ان تضحك مع الامريكي هذا شي اتوقعه غير صحيح.
بعدين ياخوي ولا تزعل مني يمكن ولا تواخذني فيما اقول يمكن انت السبب في معاملتك معهم طريقة تصرفاتك هي من تجعلهم يبتعدون عنك
فحاول انك تراجع نفسك لان الشباب السعوديين مشهود لهم بالوقفه الصادقة مع اي انسان يحتاج اليهم فما بالك بأبن جلدتهم.
او قد واجهت عينه لا تمثل الشباب والشابات السعوديين.
تقبل تحياتي يالغالي واعذرني مره اخرى وبأنتضار الاخوان.
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
مسكين الله بكون بعونك ويمكن يكون خيره لك....
أما السعوديه وتكشر ...ههههه فهذي فيها حق فالعضاء الي فوق صادقين....لان لو ابتسمت هههه بيقلبون السالفه الجماعه ...وانت تعرف القيل والقال عندنا ....
يلاه الحمدلله زي ماقالت اختي فوق متنقبات ومرتاحات وحالنا حال انفسنا.....
حتي انا مليت مامعي اي بنت اسولف معاها معهدي بح...الا وحده بمستواي بعييييييد عني...
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
مافي احلى من المواجهه خذ لك واحد منهم على جنب وكانك تسولف معه او تبيه بشغله وبعدها فاتحه بالموضوع وقوله هالكلام واعرف منه السبب ... بس انتبه ثم انتبه انك تكلمهم كمجموعه لانه راح ياخذو موضوعك بسخريه وكل واحد يناظر الثاني...
لانه ماتدري يمكن فيه واحد مطلع عنك اشاعه او كلام خلاهم يبعدون عنك ويتجنبو يقربون لك >> انصحك تجررب كلامي :)
والي يقول صادق الامريكان صح انهم كويسين ويستفيد منهم لغه بس بعد الواحد يحتاج اولاد بلده وخصوصا بالغربه :(
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
تكوين الصداقه في البدايه صعب انت شوف لك صديق نفس طبعك
ادري انا مثلك عانيت في البدايه ولا زلت اعاني
والاجانب ما يعطونك وجه تجي تجلس معهم ما احد يعبرك احيان تشوف اليابنيين مسوين مجموعه والبرازيليين مسوين مجموعه وانت محتار تجلس مع من اصلا اذا جلست معهم تحس انك غريب ومحد يعطيك وجه
عموما شوف لك صديق واحد لان المجموعات عادة ما تعطيك وجه بس يكون في نفس سنك مثلا في البدايه عانيت اني انسان في حالي مالي با الدخان والسب وبعض الاحيان مو الكل السوالف عن البنات وها الخرابيط
كنت اذا تكلمو في هذي الامور اسكت وما اقول شئ واحس انهم مو ماخذين راحتهم وانا موجود
والله ادري حاس فيك لو انك في تورنتو كان صاحبتك على الاقل نسلي بعض والله لما تجلس مع سعوديين ما تحس بغربه
الله يكون بعونك على فكرة هذي مو بس انت صارتلك
اذا انت جديد تحتاج وقت حتى تكون صداقات لا تفكر بين يوم وليله
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
الله يكون بعونك , مثل ماقالت اللي قبلي وآجه واحد منهم وشوف وش سالفتهم !
لازم تعرف وش السبب عشان ترتآح في النهايه .
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
يارجال ادعس عليهم واحد واحد اللي مايبيك لاتبيه خل عندك عزه نفس قال ايش قال سعودي وش ابي بالسعوديين انا
ولايهمونك ياغالي وسع صدرك وخلك مع الصينيين واليابانيين اطيب من ربعنا تراهم وتبي رقمي اساعدك باي شيئ قلي بس ولايضيق صدرك هاه
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
يمكن يا اسير الغربة انت حلو وشياكة وغيرانين منك هههههههههههههههههه
لا ترى صدق اتكلم معنا واحد سعودي ماشاء الله عليه الي يشوفه مايقول سعودي الولد وسيم وجنتل وتوه صغير 20 سنة
العيال دايم حش بهالولد وان الولد شايف نفسه وشكله ولد شيوخ وطيح سب فيه وكل واحد من الشباب مسوي ثقيل وعزة نفس
ع الولد والولد والله ما اشوفه الا انه محترم وطيّب ودايما بشوش ويسلم ماشاء الله عليه لكن تخبر ربعنا حقين هرج فالرايح والجاي
فأنا أقول اكيد انهم يحشون فيك او واحد حش فيك وطلع عنك اشاعات وخلى الكل يتحاشاك مثل الولد الي عندي
وانت عاد خل عندك عزة نفس الله يهديك سوي لك ملاهي خاصة فيك
حط بيتك بلاي ستيشن 3 واشتراك قنوات افلام وكمبيوتر مكتبي من ابل مع شاشة ال سي دي 52 بوصة احيه
وسماعات كبار وعيييييييييييييييييييييييييييييييييش جووووووووووووووووووووووووووووووووووووووووووك
يعوووووووووووووووووووووووووووووووووك
< واحد متحمس ههههههههههههههههههههههههههههههههههههه
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
و عليكم السلام
في البداية كان لك موضوع من قبل في نفس الحكاية و للحين ما لقيت حل !
اسمح لي أقول لك .. ممكن تنقصك الخبرة الاجتماعية و راح تتعلم مع الوقت
لكن راح أعطيك كلمة بسيطة ( جامل ) حتى لو ما تعرف المجاملة جااامل
زي أخونا اللي يقول أنا ما أعرف الدخان ولا السب ولا الكلام عن البنات
هنا تكمن المشكلة أغلبهم ( خلينا نقول أكثر من نصهم ) من هالنوعية
ياخي ( جامل ) و تذكر الدنيا ما توقف على شخص
بالتوفيق
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
يعني خليت 20 مليون سعودي وجيت عشان تمشي مع سعودين!!
خلك مع الامريكان تستفيد
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
شوف عزيزي, الحمد لله أنا علاقتي بأغلب السعوديين في معهدي تمام, طالما أنت محترم فالمحترم راح يحترمك
الباقين والله إني أعيب على نفسي إني أحترمهم ولما أشوفهم أسفه أهل أهلهم ولا كأني أشوفهم لأنهم ناس نقاده وحقين ميراميه هع
طالما أنت ماشي بالسليم إن شاء الله تصير أمورك تمام , خذها من مبدأ ثاني ممكن إن غالبيتهم عنده علوم وما يبونك تعرفها << من تجربه هع
ربي يوفقك ويسعدك ..,
اقتباس:
المشاركة الأصلية كتبت بواسطة حمد 1408
يارجال ادعس عليهم واحد واحد اللي مايبيك لاتبيه خل عندك عزه نفس قال ايش قال سعودي وش ابي بالسعوديين انا
ولايهمونك ياغالي وسع صدرك وخلك مع الصينيين واليابانيين اطيب من ربعنا تراهم وتبي رقمي اساعدك باي شيئ قلي بس ولايضيق صدرك هاه
يدعس عليهم نقول تمشي , أما إيش تبي بالسعوديين ما لي إلا أقول الحمد لله الذي عافانا مما ابتلاكم به
والصينيين إيش هم ؟؟! لما تنصح أحد أنصحه بناس أفضل مو بناس أسوأ, والله ما أخبر أحد مدح لي الصينيين سواء بمدينتي أو بولايات ثانيه من اللي أعرفهم وكلهم يسبون فيهم
أوسخ وأغبى وأسذج شعب تعاملت معاهم من أيام السعوديه وهنا بامريكا هم الشعب الصيني, كنت أقول اللي في السعوديه كم واحد وما احكم على الصين كلها من كم واحد وطلع ما خفي أعظم
بالتوفيق ...,
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
اخوي ما عليك منهم خل عندك عزة نفس ..
ومب واقفه عليهم الحياة !! ..
فيه مليون غيرهم بس انت لاتشيل هم وركز بدراستك وخلهم يولوووون وصادق امريكان عشان تقوووي لغتك
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
لانك تمشي وراهم ومره حبيب
ياحبيبي السعودي مايبي الا واحد ملكع شغل الطيبه مايمشي
والسعوديه الي يناظرها علطووووووول تشك فيه
ياحبيبي زلببببب شهر وبتلقاهم يجونك الشباب والسعوديات وش تبيبهم لاتبتسم معهم ولاشي اذا احتاجتك اعتبرها مثل اختك واذا احتجتها استغني عنها علشان مصلحتك انت وياها
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
طنشهم ولا عليك منهم .. واللي يبيك يجيك .. مو انت تروح لأحد
وزي ماقالوا سو جو لنفسك اطلع واتمشى وفلها ولا تطق لأحد خبر ..
موفق
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
اخوي ابيك تجاوب على السؤالين
- هل انت طالب بكالريوس و زملائك الي ما يعطونك وجه طلاب بكالريوس
- هل عانيت من المشكلة هذي في السعودية
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
اقتباس:
المشاركة الأصلية كتبت بواسطة جوهره البلوي
م
لانه ماتدري يمكن فيه واحد مطلع عنك اشاعه او كلام خلاهم يبعدون عنك ويتجنبو يقربون لك >> انصحك تجررب كلامي :)
اوصخ ناس الي تطلع اشاعات على ناس
اذا كانها كذا فمعليش لا تصاحبهم لانهم ببساطة ما عندهم عقل
لو يجلي واحد و يقول فلان سوى و فيه و فيه ، اول شي اشوف الكلام هذا صحيح و لا لا ...لانه عندي عقل افكر، فضروري اشوف بطريقة او اخرى هل كلامه صحيح او ان الشخص هذا قاعد يضخك علي و يخلين الشخص الغبي في القصة الي يصدق كل شي
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
هههههههههههههههههه
بصراحه موضوعك حلو يا أسير الغربه وغريب في نفس الوقت. يعني جميع السعوديين" والسعوديات" ما يعطونك وجه.
بصراحه قوووووويه.
يمكن طيب إنك شاكوووووش أو ما انت جنتل. حاول تركز على هالنقطتين.
إن شاء الله نسمع عنك اخبار حلووه قريبا.
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
من راح من كيفه وكيفه موديه خله على كيفه وكيفه يردهـ
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
سرعة تكوين الصداقة في البداية وتقبل الناس يعتمد على شخصيتك وهذا مو دليل انك شخص مو كويس لا الناس لهم الظاهر فقط والاغلبيه في مجتمعنا مع الاسف تحكم على الظاهر
ومثل ما قالو الشباب حاول انك تستفسر من اي شخص عن اسباب الرفض .
وبالبداية حاول انك تراجع نفسك وحاول تقرأ عن (مفاتيح الصداقة) , وشكلك الظاهري هو مفتاح التقبل وهو ما يعطي الانطباع الاولي عنك لايكون شكلك مختلف عن غيرك باللبس او بالشعر او او او ...
وبالتوفيق واتمنى لك حياة اجمل
(عيش حياتك ياعم وانبسط لاتفكر بالموضوع وخلي الحياة تاخذ مسارها ومع الايام والخبرة راح يكون عندك افضل اصدقاء وزملاء ان شاء الله بس انتا طول بالك)
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
مافيك إلا العافيه البلا فيهم
تلاقيهم راعين حركات وانت مو من جوهم والله اعلم
او انهم غيرانين منك
" صدقني مايبعد عن كذا " إلا لو انت فيك خصله معينه ولاحظوها فيك وانت ماتدري عنها
والسعوديات اذا شافوك محترم عادي يتكلمون معاك بإحترام بس مو من اول مره
المشكله ان غالب يلي منتشر عندنا ونشوفه " قليل " ادب عشان كذا تلاقينا لا شعوريا نشمئز من اي حركه
بعدين خلها في اذنك الصحوبيه ماتجي بالتخطيط تجي عفويا إلا ماتلاقي شخص يناسبك بالوقت المناسب مو شرط سعودي شوفك اي جنسيه ثانيه مثل الاردنين ، السوريين والمصاريه ..الخ
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
ان تكرهو شيئا وهو خير لكم
ياخي يمكن هذا خيره لك ويمكن انهم طلاب صيع بتاع مشروبات وبتاع مزز وعرفو انك مش بتاعهم وسحبو عليك
واعجبني كلام الاخ الي يقول الصداقة عفويه ماهي بالاختيار وهذا هو الكلام الي يجمد على الشارب وانا اخوك
والرجل لازم يكون عنده عزة نفس ويدور الصحبة الصالحة الي يدلونة على الخير وعلى العلوم الغانمة
فنصيحتي لك افحصهم اذا كانو رجال ومحترمين ومش بتاع صياعة,, زي ماقالو الاخوان كلم واحد منهم وعلمه بالي فراسك واختر اطيبهم لهذي المهمه اما اذا كانو صيع فنصيحه لوجه الله ابتعد عنهم والوحدة خير من رفيق السوء وانا الي اعرفه ان كل مدينة بتلقى فيها نسبة من الريجيل الكفو ونسبة من السرابيت
بس الله الله بالصحبة الطيبة ولاتسئ الظن بالناس يمكن مادرو عنك ولالهم عليك شي ويمكن انت نفسية وودك تصيرالكنق حقهم
نصيحة اخيره اذا كنت ودك تعيش حياتك مرتاح ومبسوط ومتهني لاترخي راسك لحد خل راسك مرفوع وولاعليك بطلق شنب الي عليك سوة وواجب الله ودة ولاتفكر واجد بالامور الي ذي لان ماوراها الا وجع الراس
واذكر ابوي الله يعطية الصحة والعافية ومايفكر ببن حرمة والي يبيه ياخذة بالقوة ولا بالطيب ولاينزل راسه لحد ابد وكان يوصيني يقول((( اقوى لاعلى الرجال كرامته ورجولته وعزته عند الريجيل وولا ترخي راسك لعيال الحريم وانا ابوك ))))
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
الله استغرب من اللي يقول اترك السعوديين وصاحب الصينين والاجانب هذا واحد من الاثنين يا انه في جالس في السعوديه وبس يسمع كلام ويمشي عليه او مبتعث عنده اصحاب وماجرب الوحده
والله الاجانب قعدت معهم والله لو تموت محد يسال عنك ومدري ليه احنا نخاف من بعض والسبب لا تتكلم عربي
والله كل يوم اليابنيين واللي من فنزويلا ومن البرازيل بسوو مجموعات ولغتهم احسن ما يكون
ومثل ما قالو الاخوان يمكن بسبب غيرة انا جربت هذا الشئ واحد غيران مني لاني مبتعث وهو على حسابه
او انك طيب ومو راعي حركات ضحك ومسخرة
شوف لك واحد ملتزم وطيب وعلى نياته وصدقني ماراح يبعد عنك
بس اذا كنت طالب بكالوريوس لا تصاحب واحد كبيير ومتزوج لان بيعتبرك مثل اخوه الصغير واصلا ما بترتاح معه
لان فرق السن مهم
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
السعودي لو حسسته انك شاريه باعك والعكس صحيح
والصداقة بشكل عام تجي بشكل عفوي .. وهذي الصداقة اللي تريحك وتدوم
واذا كان مزاجك غير مزاجهم لاتتصنع .. لان بيكون واضح وبيبتعدون عنك اكثر
بس صحيح ماترتاح الا مع عيال بلدك
الاجانب صحبتهم ابدا ماتريح وانا جربت كثييييير
خصوصا لو كانو جروب كلهم يتكلمون بلغة معينة وتجي انت تخش عرض بينهم
كذا على طول سيفون
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
حبيبي هذولي يبونك تلبس سلسلة وتلبس كوووووول وماركات عشان يسولفون معك
بس راسلني خاص وارسلي رقمك انا عندي اصدقاء كثير ودايم استهبل مع اللي اعرفه واللي ماعرفه يعني اذا طفشت كلمني وانا اخليك تضحك لصبح بس اهم شي دراستك ووقت الفراغ
نقلبها حش في العالم وانواع الخبال
رائد العتيبي << خبل طموح مجتهد في دراسته ومعي ددسن هههههههههه
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
عادي احسن لك
يمكن احد يجي جديد وتنسجم معه
يمكن هذولا اذا دخلت فيهم ماراح تنسجم معاهم
والله يرزقك الصديق الصالح
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
عادي اخي الكريم لا تشيل هم
انا اول ما نقلت لمدينة جديدة كنت نفس حالتك والسبب هم متعودين على بعض وانا متعود على غيرهم ! وكانت صعبة الامور لمدة شهرين وحولها بس ربك يسهلها والحين صرنا صحبة وتكيات وقعدة حلوة
اما شباب اللي يقول يا حقين جمعه حرام ولا غيره ؟ ترا في ناس بكل بساطة ما يحبون يغيرون جوهم ويكون بينهم عشره خاصة بيهم !
انت اهم شي اخي الكريم خليك مبتسم وعلى نفس شخصيتك ! والله اذا شخصيتك جيدة لا تغيرها عشان احد الا اذا اللاحد هذا كان من اهلك او زوجتك والصفة اللي بتغييرها بتكون لاحسن .. اما انك تصير تكشر وكذا فهذي غلط .. الابتسامه في ووجه اخيك صدقة ! احتسب الاجر وان شاء الله ربي يعوضك بجمعه احسن .. وزي ما قال واحد قريت رده بس ضيعته .. في الشقة خذ لك سوني وحركات وتونس يا معلم ولا تطق لهم خبر !
وقابل ناس غير السعوديين واقعد مع اللي يحترمك !
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
((عز نفسك تجدها)) بكل بساطه اقولها لك انسان ما يبيك لا تجيه ....حتى لو كل االسعوديين ما يبونك عادي خل عندك عزة نفس ...والمفروض انت تعرف ايش العينات الي قدامك وكيف طريقه التعامل معهم !!!
انا عن نفسي لا اهتم لامر احد كثير اهم ما علي دراستي ولا جا وقت الاجازات كل الي اعرفهم صينيين ويابانيين اطلع معهم والسعوديين مجموعه قليله جدا الي اعرفهم....وانا قاصد هذا الشي ابغا اتجنبهم لاسباب خاصه فيني
حبيبي خلي عندك عزه نفس انسان ما يبيك عطه مقفاك وامش ...عساه لا يجي والله لا يرررده ....
لا تخلي هذا الشي عائق في وجهك ...كمل حياتك والله يوفقك
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
عاااااااااااااادي ولا يشغل بالك !!!!!
البداية دايما تكون صعبة في كل شيء وانت بعد فترة حتتأقلم مع الوضع..
وأتوقع انو ما عندك مشكلة ولا عندهم .. لكن بس عشانك جديد لسه ما أخذوا عليك ..
كلها فترة والأيام كفيلة تبينلك حبة حبة الطيب واللي مو طيب بعدين انت تختار تصاحب مين !!
يعني مسألة وقت لاأكثر..
وإن شاء ربي ييسرلك الصحبة الصالحة ويزيل عنك هم الغربة وعننا ..يارب
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
امممممم ، يمكن مكبرين الموضوع يالربع
ترى اغلب التطنيش اللي زي كذا ، انهم يكونون شله كبيره ومايبون يكثرون فقط لا غير
بس صدقني نوعية اللي معاك ماينفع معاهم الا " الثقل واللكاعه وشوية مهايط :)
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
من يتجاهلك ويتكبر عليك لا تنفعل من اجله واستخدم القاعدهـ المكتوبه على مرايا السيارهـ الاشياء التي تشاهدها اصغر مما تبدوا عليه في الواقع
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
يمكن انك دافور ويغارون منك او انك دبشة ودلخ وما تجامل ابد لان هذول العالم يحبون المجاملات كثير
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
ممكن فيه مجموعات مايحبون يدخلون فرد جديد للزمرة الملكيه ههههههههههه << ناشونال جوغرافيك :o
جد فيه قروبات ماتحب تدخل أحد جديد ؟! عشان يتونسون مع بعض ومايكثرعددهم ~
بتقلى أصدقاء لاتستعجل مو أي أحد تصادقه بعدين يازين الفراغ عشان الواحد يكثف دراسته خصوصاً في هذي الفتره ~
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
اسير ماعليك منهم خلك واثق من نفسك واللي مايبيك بكيفه هو الخسران
وصدقني السعوده وش تبي فيهم مايجي وراهم في الغربه الا الغثاء خلك مع اهل البلد ياحليلهم تكسب منهم ثقافتهم وحضارتهم وتقوي لغتك وتستفيد منهم
وخلك خوي نفسك وعزيز نفس لا تضيق صدرك ترى الدنيا ماتستاهل واصلا ماعاد في الدنيا صحاب كلها صارت مصالح
اتمنى لك التوفيق
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
انت ماسمعت العلامه فيصل بن تركي وش قال؟ماصديقنا الا انا يعني خلك صديق نفسك
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
اقتباس:
المشاركة الأصلية كتبت بواسطة حمد 1408
انت ماسمعت العلامه فيصل بن تركي وش قال؟ماصديقنا الا انا يعني خلك صديق نفسك
هههههههههههههههههههههههههههههههههههههههههههههههههه هههههههههههههههههههههههههههههههههه
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
السلام عليكم
في البداية انا لا املك معلومات عن مدينتك او ولايتك
لكن ترى الأمر طبيعي جدأ جدأ
انا في مدينة فيها تقريبأ عدد هائل جدأ من السعودين الكل تجده مع القروب الخاص فية
عاد خذ الداج مع الداج الصالح مع الصالح وانت ماشي ,,
هذي اشيأء عادية جدأ المفروض ماتلتفت لها ,,
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
يا أخي أنا ما أدري إنت تتريق أو جاد .... ولكن بآختصار! اللي يحقرك إحقره وطنشة .. خًّل وقتك في دروسك أفضل لك ... ترى إذا تعمّقت بعلاقتك باخوانك السعوديين, يمكن ترجع للسعودية بدون شهادة ..... دائماً حطها في بالك اللي يحقرك إحقره .. وسلامة راسك و راس كل من يقرأ الآن ............................................... أما إذا كنت تستهبل و تتريق, فأرجوك لا ترد على أبداً لأني ماني فاضي وعندي اختبارات ولاني بفاضي للفلّه , أنا هنا جاي أدرس فقط .... وراح أفّلها اذا رجعت للسعودية .................................................. .................................................. ........... تحياتي لمبتعث وكل عضو في مبتعث .... إدعوا لنا بالتوفيق ....................................!!؟
-
رد: ==> كلهم مجتمعيمن في بيت واحد وانا لحالي !! مدري وش سويت لهم تكفووون ساعدوني !!
الله يكون بعونك ويصبرك
صاحب أجانب والله صحبتهم مكسب بس مو اي واحد اكتسب مهاراتهم الحلوة وخلي السعوديين على جنب بس أنا متأكدة انو فيه سعوديين اوادم والا اذا كانوا كذا مانقول الا الله يخلف عليهم
الله يهدي بالك و بالهم
احترامي